يبدو أننا لن نمل و نكل من ترديد ( يا ليل مطولك ) و ( حكم القوي على الضعيف ) و ( حسبي الله و نعم الوكيل ) على شركة الاختلاسات السعودية .
اقولها بحسره و انا ضحيه لها من ثمان سنوات و أكثر, رأيت فيها أنواع و صنوف الاحتيال و سوء المعاملة ( يعني احشفا و سوء كيلا )
و انا شخصيا لم أستوعب قضيه عدم قدرتك على الاتصال بمركز خدمات سوا إذا كان رصيدك أقل من ريالين .
حتى اكتشفت أن العميل لا قيمة له الا بريالين و أكثر , و بدونها أنت لا تسوى شيئا في عيون الشركة الموقرة .
و قلت .. يبون يريحون الموظفين شوي , مو كل من يتصل على مركز الخدمات يستاهل تردون عليه .
و قلت حسبنا الله و نعم الوكيل .
و لكن الجديد و المثير و المتميز .. أفضل و أفضل
مع شرائح و الخمس هللات ؟؟
تخيل :
- ترسل رسالة قصيرة SMS و سعرة التعرفه هو ربع ريال , ( 25 هلله )
و بعد الإرسال يظهر لك إشعار بأنه قد تم سحب ( 25 هللة ) من رصيدك , و الجديد انه يصلك إشعار آخر بسحب ( 5 هلللات ) من رصيدك ؟؟
و مره و مرتين و عشره .. و حنا نقول 5 هلللات و ما ندقق , و يوم سألنا قالوا رسم خدمه ( التبليغ و وصول الرسالة )
قلت : يا عيني , حتى هذي تبون عليها فلوس .
-تتصل على شخص و تتكلم معه مثلا دقيقه ,لما تنتهي يوصلك إشعار بسحب مبلغ من رصيدك ( تكلفة المكالمة ) و بعدها يصلك إشعار بسحب ( 5 هلللات من رصيدك )
طيب و هذي حق ايش , المكالمات ما فيها تبليغ ؟؟؟؟
نقول : رسوم خدمه و كأننا في مطعم و نقول حسبنا الله و نعم الوكيل .
-تتصل على شخص و ما يرد عليك , تفصل و تقول يمكن مشغول , و لكنك تنصدم بوصول إشعار بسحب ( 5 هلللات من رصيدك )
ليه .. كيف .. متى .. و بأي حق تسحبون هالهلللات من رصيدنا ؟؟؟
لأننا استخدمنا شبكتكم المضروبة يعني و صاحبنا ما رد علينا ؟؟؟
-و اللي فجر راسي و رفع ضغطي , اني كنت جالسه في أمان الله اتغذى , و الجوال جنبي , شوي اشوف شاشة الجوال تنور .
قلت الظاهر راح يوصلني اتصال أو مسج , و لكن اللي وصلني كان إشعار بسحب ( 5 هلللات من رصيدي )
يمكن رسوم الأكل بجوار جوال يعمل بـ شريحة سوا .... !! ؟؟
فإذا كنت انا العبد الفقير لله صاحب الاستخدام البسيط جدا للجوال , راح تطير علي يوميا حوالي ربع ريال بدون وجه حق .
ما بالك بالأشخاص اللي ماسكين الجوال 24 ساعة .. ؟؟
كم راح يسحبون منهم بشكل يومي !!
باختصار .. المسألة توصل بالإجمال إلى ملايين الريالات يوميا يتم سحبها من أرصدة العملاء الكرام لشركة الاختلاسات السعودية .
-وش نسوي .. وش نقول .. وش الحل معاهم ؟
اللي اقدر عليه اني كتبت موضوعي و نشرته و اللي فعلا و بحق و بصدق لاحظ هالمشكله و عانى منها يساهم في نشره .
يمكن يوصل لاحد يقدر يشوف لنا حل .. و الله حسبنا و نعم الوكيل .
موضوع: الاختلاسات السعودية وشرائح سوا والخمس هللات 
